دوشنبه یازدهم آبان 1388
شورتا سوز
اوغلی: داده ایسم سیز یالان سوزله مگی هایسی یاشدان باشلادینگیز!؟
*********************************************************************
اوباچی بیرآدامینگ عیالی دونیه دن غایدیار. اول آدام اوچ گونلاپ آغلاپ - انگراپ یاس توتوپ سونگرا کوشه شیپ ایشی بیلن بولیار.
بیر آی سونگرا بوآدامینگ سیغیری اولیار . اول سیغری اوچین بیر آیلاپ یاس توتوپ سونگراهم کوشه مه یار!
اوباداشلاری گلیپ اونگا:" سن عیالینگ یوغالاندا دینگه اوچ گون یاس توتدینگ ایندی نامه بیر سیغیر اوچین بیدیپ ناشکور بولوپ اوتیرسینگیز " دیارلر.
اوندا اول : «نامه اوچین آغلامایین!؟ عیالیم اولنده اوچ گونینگ ایچینده ییگریم آدم گلیپ مانگا عیال آلیپ بره یلی دیدی لر اما شو وقتا چنلی بیرآدم گلیپ سانگا سیغیر آلیپ بره یلی دیمه دی !» دیار
**********************************************************************
بیرگون بیرشورتا آدم شهرینگ امیری بیلن حماما گیدیار. امیر حمامدا یالانگاچلانان سونگ : «سیزینگ نظرینگیزا من ناچا دگیان (بهام ) ناچه »دییپ یانگقی آدامدان سورایار .
اوندا اول آدم امیره :«ایکی یوز تون » دیار.
امیر مونگا درغضب بولیپ :« بو نامه دیدیگینگ بولیار ایکی یوز تومن-ا منینگ شو بیلیم داکی چالغینگ بهاسی !» دیار.
اوندا اول آدم اونگا:« امیریم من هم شول چالغی نینگ بهاسینی آیتدیم » دیار.
شنبه بیست و چهارم مرداد 1388
ساقینمانی اوچ گزک آیدینگ !
ترکمن لر انتک رادیا , تلویزیون و شونگا منگزش آراغاتناشیق سریشده لری نگ یوق یادا هر کیم –هرکیم ده تاپیلیپ دورمایان ماحالی گیجه لر اویشوپ حکات , ماتال(چیستان) , چالت آیتمالی سوزلر و شونینگ یالی زاتلار بیلن گویمه نیپ دیر لر . بیز هم مونینیگ بیر چه تینی گوردیگ ملا دایی میز بیزه مختومقلی , مسکین قلیج, ملانپس, یوسف-اخمات, زهره –طاهیر یالی کتاپ لاری اوقاب برردی. 7-8یاشلی چاغه واغتیم یوسوپ- آخمادینگ دسساننینی اوقاندا اولارینگ مظلوم لیغنا (هیچ کیمه بیلدیرمانی) آغلانیم آصیل یادیمدان چیقانوق . یونه شول وقت لار منینینگ قیزئقلانیان زاتلارمینگ بیری شو چالت آیدمالی سوزلر دی . اولارینگ بیرناچه سینی سیزه هم آیداسیم گلدی . مگرام شوحیلی زاتلاری چاغالارمیزه اووره تسک اولارینگ دیله وار لیغنا پیدا ادر.
شولاری ساقینمانی اوچ گزک آیدیپ بیلر سینگیز می؟
1- ماغتیم قلی منگلی سینینگ مانگلاینداقی منگینه مانی لی قاراپ منگلیسی نینگ مانگلاینداقی منگینی ؛ منگلیسی نینگ مانگلاینا میناسیپ گوردی!
2- بوجاغاز بوغذایینگ توغالاناغرجا دیغنی !
3- دول عیال آل یا لال عیال آل ! 
4- شو باش (5) پیچ گوشتی نی شو بوش پیش دستی نگ ایچینده غوی!
5- شو کلیم کیمینگ کیلیمی ؟ کلیم قلینگ کلیمی !
6- شاتیرداسا اسه نینگ ساچی شاتیردایا , شاتیرداسا سانگا نامه ؟!
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سه شنبه بیستم مرداد 1388
اهم گره گ
منینگ بو پستیم تورکمن دیلی بارادا بلکی گونونیزه یاراسین دا. هر حالدا اوقاپ نطرینگیزی آیدسانگیز بگه نریس . تورکمن دیلینی شوگون لرهرکیم بللی بیرترتیب دوزگونه اساسلانمان ایسم اوز بیلدیگینه گورا گپلاپ یور –یازیپ یور . کابیر سوز لر شیله بیر تورکمن دیلینه گیریپ دیر ایندی اونینگ تورکمن سوزی دال دیگنی ایناندیریپ ام بولانوق. البته بو مسله ده آدم لاری تقصیرکار اده سیم گله نوق تورکمن دیلی کلاسیک شکلینده اوقادیلماسا اول شیله بولیار.
گورگن رادیاسیندا گپله نیلیان دیل هم ایل آراسیندا اولانیلیان دیل بیلن اپ-اسلی تپاوتی بار. اونینگ هم بلی بیر ترتیبی یوق . هریازیجی اوز کله سینه گلشینه گورا یازیار؛ اونگا ایل آراسیندا یاغشی دوشونیان آدم ام کان دال .
تورکمنچه کتاپ چاپ ادمکده واساسان یازو ایش لرینده هم یاغداینگ شوندان غوی لیغی یوق اولانماغه قراره گلینن بلی بیر رسم الخط هم یوق.
تورکمن دیلی ایراندا پارس دیلی نینگ قالدیریان تاثیری بویونچا غاتی اویدگاپ باریار ینه بیر ناچه وقت دان تورکمن دیلینده- دینگه فعل لری بولاماسا- باشغا یرینده تورکمنچه سوزی تاپاماق قین بولجاغی ایکی اوچلی دال . شو وقت ام الایتا-دا یاش نسل لرمیزینگ آراسینده شیله راگ بولوپ دور . شو یره گلمده دوست لارمینگ بیری نینگ آیدان خاطره سی یادیما دوشدی اونی سیزه آیدایین:
«بیر گون رادیو گورگنی دینگلاپ اوتیردیم؛شوندا خبرچی یاش قیزلارینگ بیرسی بیلن گوررینگدش بولوپ اونگا : اویام باغشلانگ بیز تورکمن دیلینی اوسدیرمک اوچین نامه ادمه لی؟ دیه نده اول شیله دیدی:
- واللا بیز سعی اد مه لی حتی الامکان در محاورات روزمره از واژه ها واصطلاحات غیر ترکمنی کمتر استفاده ادمه لی »
- گورشینگیز یالی فعل لردن باشغا تورکمنچه زات یوق.
منینگ اوزوم هم شو پستی یازیپ باریان ماحالیم تورکمنچه سوزلری تاپجاق بولوپ کان کوسه نیپ دورین. اگر من اوز آرامیزدا سوزلشیان دیلیمیز بیلن شو پستی می یازان بولسام مانگا غاتی آنگسات دوشردی! البته شیله کوسن سمده یازغی مینگ ایچینده یالنگیش یوق دییپ بیلمرین.
اوزگه دیلداکی سوز لری تورکمنچه ده ایسم ناحیلی اولانماق بولار ؛ بوبارادا شاهیر عیدی اونق شیله دیار:
« اگر باشغا سوز تورکمن دیلینینیگ گرامر دوزیمنی بوزماسا اول سوزی تورکمچه ده پیدالانیب بولار؛مثلم : «سیز مانگا آدرسینیگزی بریپ بیلر سینگیز می ؟ » بویرده آدرس دیه ن سوز تورکمنچه دال ام بولسا تورکمن دیلی نینگ گرامرینی بوزمایان لیغی اوچین دوغری بولوب دوشیار.
البته بیز کوپ ماحال اوزیمیزینگ هم کیه نگ لیک ادیان یریمیز بار. بیرتوپار زادی تورکمنچه آیدماغی باشاریپ دورساق دا ینه شونی پارسچا (حتی انگلیس چه) آیداسیمیزگلیار مثال اوچین :
- «گلنیمیز اراضی »دیسه ده بولجاق یونه اونگ یرینه « عروس خانم اوکی نی بردی» دیار!
-«غورغون اوردینگیزمی» دیه سی گلمان « صب بخیر دا » دیار!
-« بو کوینک مانگا دار (گینگ) بولیار» دیمگینگ یرینه« بوکوینک منینگ سایزیم دال»!
-« دایزانگ بیلن حوشلاش » نگ درگنه «خالانگا بای –بای ات !»
- «اجه کنگه سلام بر»دیمه لی یرده« عمه نگه سلام دی!» و شونگا منگزش کوپ زاتلاری بیرآزاجیق اویلانماق بیلن تورکمنچه آیدیپ بیلرس میقا دیان . هول گون داغی بیر قیز بویداشی بیلن حوشلاشیپ باریارقا اونگا :« عجه نگه سلام برسون » دییپ دور !
یوقاردا آیدیپ گچیشم یالی بیزه شو اوز آرامیزدا داپ بولان قاریم –قاتیم دیل بلن گورلشمک هم آنگسات همده اوزآرامیزدا غووی دوشونیلیار یونه بیرماحال تورکمنستان دان میخمان گلن ماحا لی اولار بیزینگ گورله یان دیلیمیزه دولی دوشونیپ بیلمه یارلر . آرادا بیری ترکمنستانلی بیرآدام اوندان :«تلفن نومرینگیز ناچه » دییپ سوراندا اونگا:« صفر نهصدویازده...... » دییپ جوغاب بریپ دور! آصیل اونونگ پارسچا بیلمه یا نی کوینه ده گله نوق !......
دیل بارادا اوزیمیزینگ هم بیرآز همتی میز گره گ اوزیمیز اوز چاریغمیزی سودان چک مه سک بیزه باشغا یردن گلیپ جان یاندیرجاق بولماز بو بارادا بیر روایتی آیدایین شویرده مصداقی بار میقا دیان:
« بیرگون بیری خدای برجک بولسا یاتانادا برر دییپ اویدن چیقمانی بیرچتده ایچمگه دولانیپ یاتیبریپ دیر . بیرگون گچیپ دیر – ایکی گون گچیپ دیر اونونگ حالیندان خبرآلان آدم بولماندیر. آچلیقدان ایچی غئریلیپ باریار اوچونجی گون بیری گلیپ غاپی نی قاقیار مونونگ هم غاپینی آچماغا حال- یاغدایی یوق . گلن آدام اوزی غاپی نی آچیپ اویه گوز آیلایار ایچمگی بوره نیپ یاتان آدامی گورمه یار اونگا یونه یاتان بیر ایچمک میکا دیار . اوز یاندان اوزی «آی... هیچکیم یوق او... »دییپ غاپی نی یاپیپ گیدی برجک بولیار . اوندا یانگقی آچ - سوسیز یاتان آدام بیر « اهم..» ادیار . شوندا یانگقی باران آدام : « ها ... آدام بار می؟ شوگون پلان آقانگ صدقه سی بار اولی – کیچی باری شونگا بارمالی سیزهم شونگا چاغیریلدینگیز » دییار.
یانگقی آچ یاتان آدام صدقه سوزی قوات برن یالی حیر-هلاک یریندن توروپ اشیگینی گییپ یولا دوشیار صدقا باریار حالیص غاریندی دویوریار . مونونگ « خدای برسه یاتانا-دا برر»دییپ یاتاندی اشیدن لرینگ بیری اونگا: « نامه پلان آقا خدای برجک بولسا یاتانا –دا بررر دییپ یاتیپ دینگ خدای سانگا بردی می » دییپ سورایار .اوندا اول اونگا : « آی ... خدای یاتانا- دا برسه برجک یونه اوزینگدن ام بیر اهم گرگ » دییپ جوغاپ بریار !
شونگقی یالی دیلیمیزی اوسدیرماگه اوزیمیزدن ان بیر اهم گرگدیر.
یکشنبه بیست و چهارم خرداد 1388
اوتوز
تورکمنی نگ تورکمن لیگنی آنگلادیان زادلارینگ بیری اونونگ آدی دیر . تورکمن، تازه دونیا اینن چاغا یاغشی آد غویماغی، سونگ اونی مکدبه ایبریپ تربیه برمگی سونگ بولسا اونی اویریپ ویا دورموشا چیقارماغی اوزینه اساسی بورجلارینگ بیری حساپلایار.
تورکمنینگ داقیان آدلارنینگ اوزینه مخصوص فلسفه لری بار . تورکمن لرینگ آدلاری کاماحال کوپ چیلیک ده یا- دا ماشغالاآراسیندا دوشن بیر تاریخی واقا دلالت ادیار . « اورس گلدی – اورس قلی – شاگلدی-حاجی گلدی (حاجی لار مکه دن گلن ماحالی دونیا گلن )
تورکمن لر قمری آیلارینگ آدلارنی اوز چاغالارنا داقیپ دیر لار مثال اوچین اولار رجب آیدا دونیا گلن چاغا، اره جب مرد آیدا بولان بولسا ؛ مرد ،قربان آیدا بولسا قربان داقیپ دیر لار .ینه صفر ، عاشر، اراز یا اوراز یالی آدلاری مثال گتیرمک بولار .
تورکمن لر رنگ لری هم آ د حوکومونده اولانیپ دیر لار ؛ ساری ، گوگ ، غارا، مله و ماوی یالی آدلار شول ساندا دیر .
ینه تورکمن لراوزینینگ سوییان واوزینه بهبیتلی و اووادان گوریان جاندار لار دیر غوشلاری چاغالارنا آد غویماق اوچین پیدالانیپ دیر لار اونگا مثال حوکومونده : مارال، جرن ، کیک، تووشان،مایا، آرسلان،طاووس، و... یالی آدلاری ساناپ بولار.
تورکمن لر دورلی گول لر دیر اوسوملیک لری نگ آدینی اوز چاغالارنا داقیپ دیر لار. مثالینگ هم حاجاتی یوق میقا دیان .
سان لار هم تورکمنینگ آدلاری بولیپ دیر. آلتی، باشیم(5)اوتوز و توقسان شول ساندا دیر .
تورکمنینگ آد لاری بارادا کوپ گوررینگ ادمک بولار . تاشلی ، منگلی، طوواق،وینه شونگا منگزش آدلارینگ هم اوزینه گورا فلسفه لری باردیر .
البته منینگ ایلکی بوزاتلاری آیدماق نیتیم یوقدی منینگ بیر دوستوم بار اونیگ آدی «اوتوز» بیرگون اوندان : ناحیلی بولوپ سه نینگ آدینگ «اوتوز» غویولیپ دیر دییپ سورامدا اول مانگا دگیشمه حالتیندا بیر زات آیتدی سونگ منم شو یوقارداقی آیدان زاتلاریمی اونگا آیتدیم. اول مانگ شیله دیدی:
« واللا دوس ، من یدی قیزینگ ایزیندان دوغولان اوغول شونینگ اوچین دوغولان ماحالیم ددم غاتی بگه نبپ دوغان غارینداشلارمیزی چاغیریپ ضیافت بریپ دیر شوماحال ددم اولارا حورمات غویان بولوپ مانگا آد داقماقدا اولارا گنگه شیپ دیر. شوندا اولارینک هر هایسی بیر آد آیدیپ دیر . هرکیم اوز آیدان آدینی مانگ غویدیرجاق بولوپ آیاق دیراپ دیرلر .مونونگ اوستی گیدن بیر داوا بولوپدیر ددم غارا گورگا غالیپدیر. شولارینگ ایچینده یاشولی راغینگ بیری شیله مصلحت بریپ دیر : آی... دوغانلار ! گلینگ بولماسا قوررا تاشلایلینگ هرکیمینگ آیدان ادی قوررا دوشسه شونی غو یمالی اده لینگ سوز ام یوق گوررینگ ام !
بولار آنت ایچن یالی بو مصلاحاتی قبول ادیارلر سونگ هرکیم اوز سوییان آدینی بیر بولک کاغذا یازیپ گتیریار اوتوران لارینگ بیری پاپاغنی چیقاریپ آد یازیغلی کاغیذجیق لاری پاپاغینا غویوپ ماخول غاریشدیریار دا اوتورانلارینگ بیرینی چاغیریپ : گل شوکاغذلارینگ آراسیندان گوزینگ یومیپ بیرنی آل دیار اول آدام کاغذلاری یاغشی غاریشدیریپ اتگراگدن بیرنی آلیار . شوبهه بولمازیالی غالان کاغذلاری یوق ادیپدیرلر .
قوررا دوشن کاغذی آچیپ گورسه لر اوندا (30)یازیلیپ دیر ایندی هم نامه اولمک باردا دانمک یوق شول منینگ آدیم بولوپ دیر . گلینن قراربویونچا اونگا غارشی چیقان بولماندیرسونگرا ایش –ایشدن گچندن سونگ گورسه لر (30) شول پاپاغینگ شماره سی اکه نی! اونی گوزینی یوموپ آلان آدام پاپاغینگ ایچیندن غوپاریپ آلاپدیر. یونه ایندی نه پیدا ! »
دوغیردانام تورکمن لر هایسی فلسفه اساسیندا سانلاری آد حوکومونده اولانانقالار؟
سه شنبه دوازدهم خرداد 1388
گوره نیم -اشده نیم
من اشیدن زادیمی یازدیم
دوستلارمینگ بیری اوغلونی اویه ردی آغشامی تویونا بارامدا( مزنده 15بیلن 20یاشینگ آراسیندا) ایکی ییگیت گوررینگ ادیپ دور . من اولارینگ گوررنگی نینگ ناحیلی باشلانشی نی بیله موق سبابی گوررینگی نگ اورتاسیندا باردیم اولارینگ سوزلرینی- اشیدن یریمدن به یلاک- غوشغا گچردیم .سونگ اولار منینگ دینگلاپ دورانیمی آنگلان یالی سوزلرینی کسیپ گیتدی لر من ادیل شول یرده غوشغیمی تمام اتدیم .
اولارینگ سوز لرینی دینگلانگ:
سووردوستوم سانگا برسم نصیخات ژل اوردا ساچلارینگی سیخ-سیخ ات
ساچلارینگی گویبر غوی گیدسین اوسوپ نادیپ یونگ قیزیالی ساچلارینگ کسیپ !
شو واغتا دنگ گوشی ده آلانگوقمی سن !؟ اس ام اس نگ کیپین بیله نگوقمی سن!؟
ناحـــــــیلی ســــــادا سن ناحیلی لـلی مبایلینگ دا یوقمی شو واغتا چنلی!؟
عجه نگی غسـسادا داد نگ دن پول آل حاضیر لیکچه باردا بیر ایرانسل آل .
سین ادیان قیزلارینگ یوره گین داغلاپ نادیپ یونگ کیلتیگینگ بارینی باغلاپ !؟
دکــــمه لــــرینگی آچ، چک اتــک زیــپی بولوپ یورشینگ نامه دوغیر لا تیپی
بو جولوارینگ گلــــیـــــشه نوق خدایی بار. باردا بیر جولوار آل برمودایی.
بو غوشاغینگ نامه آیر اونی یوق ات! کیچی جیک باللینگا ساللانچاق باغ ات !
غوشاق آلسانگ جنسی چینی بولماسین اونباش سانت دان اتک اینی بولماسین!
یاراغسیز ییــــگیدینگ ایشی عــبث دیر بیر چمیلجه قمه بیلینگه غــیـســــد یر.
شوواغتا دنگ ماتور مونوپ گوردینگ می ؟ اوچوردینگمی اونگون تک چرخ اوردینگ می ؟
ایرگوزیندن دونیانگ کیــپین گورجک بول اوزینگه بیر ماتورجیق دا آلجاق بول .
بیر عمل جیک اوورن یاشا ییگیتچه یوغسا سنینگ قدرینگ بولماز چیگیتچه .
یا چکده ناشه بول یا ایچده مس ات اونی باشارماسانگ اقلا" ناس آت !
رقص دان اونگ تویدا اوزینگی توپ ات! قیزلاری اونگونگ ده میخکوب ات!
مسلیک دن یانادا بیرینه خریـــش بیربهانا تاپدا توروز بیر اوروش!
اگر بولسانگ سن تورکمن بالاسی دیکلتجک بول قدیم گلیان دالاشی .
شو یرده بوایکی ییگیت گیتدی لر. منم تویی غوتلاپ اویه گیتدیم . البته سونگرا اشیتدیم شو تویدا اوچ کله یاریلیپ دیر دورت هه لی اوزیندن گیدیپ ایکی آدام پیچاق لانیپ دیر و....بیزینگ گونی میز قدیم قی لارینگ آیدیشی یالی « آلا یابیلینگ گونی » توی توتجاق بولساق اینی میز « ازه –بزه »
یکشنبه بیست و هفتم اردیبهشت 1388
دورموش
دورمـوش دیمک چورگینگ سویـدینـگ صفی - دورموش بیر توپارینگ بولوغی سیز گپی
دورمـــــوش بهاچیـــــلیق چورکه مک ایلی اونگماق اوچین قایم غوشــــاماق بیلی
دورموش دیمک لیسانس علاف بیکار دورموش قهوه خانه قلیان چای سیگار
دورموش ناشه کشلیک دورموش اعتیاد غاچان اوغوللار- قیزلار ای داد بیداد!
دورموش دیمک سانگا بریلن غاتانچ بیر دووم چورک دیر غالانی اوتانچ !
دورموش بیمارستان دکتر مریضی دورموش ربا رشوه هم زیرمیزی!
دورموش دوز غویولماق سویوپ درینگه دورموش افسر تصدیق چهار راه جریمه!
دورموش قصد غرض کینه کدورت رحم ادمه هیچ کیمه کول اتده آورات
دورموش بلی بیرزات اکه نینیگ اورماق دورموش باشغا زات دال اده نیینگ گورمک!
دورموش ایرگوزین دن دوکولن دیشیم هیچ کیمده تقصیر یوق اوز ادن ایشیم!
دورموش یوره گینگده توتاشان اودلار هممه سینی آیدیپ بولماجاق زاتلار
دورموش یتیم لرینگ آغلایان گوزی دورموش پراغی نینگ آیدانجا سوزی :
«ایشی رواج بولاربدایش توتانینگ دیلگی دوش گلمز حق دییپ یاتانینگ»
چهارشنبه نهم اردیبهشت 1388
سایلانان نقل لار
سلام دوستلار یانگی راق نقل لار کتابینی بیر سینلاپ گوردیم اولارینگ بیرناچه سی منینگ اونسیمی اوزینه چکدی اونی پارسچا ترجمه ادمک ده مانگا کمک ادیپ بیلرسینگیز می ؟
نقل لار:
آرپانینگ دانه سی بولاندان بوغداینگ سامانی .
آخ ات واخ ات اوز ایشینگی اوزینگ ات.
گدای ایت دن قورقار ایت گدای دان .
گوره شده یئقیلان عمل اووره نر.
جووه ن ایه سی جووه نیندن گچدی سرچه لر اونگوشانوق.
طاغن آیاغی اوچ بولار بیربیرینه گویچ بولار بیری بولماسا هیچ بولار.
یئقئلجاق ارابا قرق گون اونگوندن جئقئلدارمیش .
یئلئنگ گورکی بهاربولاریازبولار/توینگ کورکی آیدئم بولار سازبولار
میراث دان یومروق یدسه ده حقئنگی آل.
اوقان نمازی اورکوزن قورباغه سینه دگمز .
اویون بیلمه سنگ اویونچا اویکن.
پیداسئز(ناتانیش) پریشته دن آشنا دوو یاغشی.
پیشیگینگ یندام لیقی سامان حاناچنلی.
صونغاتیم بار حرماتیم بار.
سلیمان بولسانگ مورا غولاق سال.
هممه یرینگ تووغی نینگ سه سی بیر.
اکیلمه دیک یرده گوگرمه.
یاغشی عیال آرپانانی کباب ادر/ یامان عیال بوغدای اوونی خراب ادر.
یاغشی عیال اوی ایچینی گول ادر/یامان عیال غازانانگی کول ادر.
چهارشنبه بیست و هشتم اسفند 1387
تازه یئل غوتلاغی
تازه یئلینگیز غوتلی بولسئن / سال نو مبارک باد
تازه یئل کوپ بولسئن تازه سلام لار
بی برکت بور میش بی سلام توپراق
دشمانینیگ دووشسادا سلامیــــنی آل
ســلاما حورمات بور اوزینه ســاپاق........
*****
تازه ییلدا تازه دوستلار کوپ بولسین
تازانگ یاندان آـیریلماسین کونه لر
ییل چالشیشی یالی دوست جالشیپ یورسک
ارته سی گون دوس تاپمامیز قینالار......
(کریم قربان نپس)
نوروز بایرامی میخمانچیلیغی حقندا پارسچا یازیلان بیرغوشغی نینگ تاثیرینده یازیلان سطیرلر
عیدینگ ام عجاییپ داب لری بولیار
اویمیزه شوگونلر میخمان لار گلیار
میخمانلار ساویلیار ایزیندا ولی
ایه ن میوه لرنینگ غابیغی غالیار !
هانی اول نارنگی هانی اول کیوی
نیره ده پرتقال کیم ایدی سیــــــبی
غوتارندا یخچالداقی زاتلارینگ
شوندا گلر سانگا ناحیلی دویغی !؟
بیریسی اچرده چکـــیپ دور چلــیم
چاغالار یولیارلار باغچامینگ گولین
غولونا گیریلــــیپ گتـــــیرلن غوجــا
کاسا قاقیپ اوتیر سیگارینگ کولین !
آغامیز های یاتیپ فیلم گوزله جک
ینگه میز یاغ ایچن یالی گورله جک
بو یرده دوره یار گیدن بیر اوروش
گل ایندی آراسین ناحیل دوزله جک !؟
میخمانلانگ بیریسی سوق داماق دییار
به یله کی بیریسی چکدیرمه سوییار
بیری پرهیزی بار یاغسیز زاد اییار
هرسی نینگ اسلگنی ادمه لی طیار!
دودیلر غاپ چاناق کاسه پیاله
هیچ کیم رحم ادمه دی تومن ریالا
تایا غالان قاپ چاناغی کیم یووار
الله قوات برسن غاراض عیالا!
**********************
میخمان سوییلمه یار غوری سوز بیلن
ساچاق یازیلیمالی گولــــــر یوز بیلن
میخمان بیلن اویـــــــمیز بــــهاره دونر
دنگه یان میـــــــخمانی بهار یاز بیلن
یکشنبه چهارم اسفند 1387
اینترنت دوستلاریما تقدیم
نه عجب زات اینترنت کوپ- کوپ ایشلر بییتیریار
آز وقت دا کوپ ایشی تمام ادیپ اوتوریار
دونیانی نگ اول چتیندن یوللان خاطینگ صوراتینگ
گوزینگ آچیپ یوممانقانگ بوچتینه یه تیریار
**************
وبلاگ لار دئر سایتلار خبر بارین بریپ دور
بیر یرده بولان ایشی بوتین دونیه گوریپ دور
من ام اینترنت بیلن یاغشی دوستلاری تاپدیم
شیله عزیزدوستلارینگ دیدارینی کویساپدیم
موسي قزلجه بیلن اهلی ایلیم گولوپ دور
ترکمن مدیکالیمیز دردلره ام بولوپ دور
عجپ سوزلر تاپارسینگ دیه جینی آچانگدا
بییک آرزولاربیلن آل آسمانا اوچانگدا
یداله صحنه ای نینگ بیتیریان ایشلری گِنگ
وبلاگینی آیدسام"کم کم درخت میشوم!"
ینه ده بیر وبلاگ بار یاغشی لاردان یاغشی دیر
"کیم "دییپ سوراسانگیز آدی تـؤره باغـشي دیر
پاراسات، ظهری،بایراق ادیل سـسـلي داغ یالی
گؤزل، اوغلان ،هاتيجانگ سوزلری بار یاغ یالی
ینه بیر شورطا وبلاگ آچیپ گورمگ ثوغاپ دیر
اونی تانامایان یوق آدی حاضر جوغاپ دیر
دوتارا دا قاقیپ گچ تایاغی دا آلیپ گور
غاراشیپ دور مايا قيزغاراشیپ دور تــلـنگــر
ینه کوپ دیر دوستلاریم ساناپ دورسام آد-ما آد
ائلچی ، شـاد مـهـر، مقصدجان، عبدالقهّار صوفي راد
ساغ بولسونلار ایل اوچون اهلی زحمت چکنلر
گونامی اوته ورسین آدی یاتدان چیقانلار
مدام قاپیم آچیق دیراویمه گلیپ دورسانگیز
چال چؤوريك ده بگه نر نظربریپ دورسانگیز!
(سونگرا آرتدیرلان سطیرلر)
تایاق یادیما سالدی ممد قلیچ ددمی
نام اوچون اوندانقام شیله بللی آدامی!
یکشنبه بیستم بهمن 1387
پن شممه چن شممه بولیار؟
کا ماحال بیر زادی چالتیراق آیدجاق بولوپ بارشینا یالنگیشیان یادا بیلمانی ایکی سوزینگ جاینی اویدگدیان آدام بیلن سیز ام حوکمان غابات گلن سینگیز.منی نگ شانگسیم دانمی نامه می یا دا مون یالی زادا کوپراگ اونس بریانیم اوچون می بیله ماق می(بیله موق می) غاراض منا شوگون لر شونینگ یالی زاتلاره کان راگ غابات گلیان وغابات گلیپ دیم . سیزه ده شونی آیداسیم گلیا ر .
بیرگیجه بیر تویدا باغشی نینگ آیدیمنا غولاق آسیپ اوتیردیق بیری ماشین نی دروه زانگ اونگونده پارک ادیپ دیر .مونی برنامانگ آلیپ باریجی سینا یازیپ بردیلر شوندا اول میکروفون دان شیله اعلام اتدی: " 14م ......ایران 69شماره لی آق پراید ینگ ایه سی کیم بولسا دا دروه رزه سینی ماشینینگ اونگوندن آیرسین یولی باغلاپ دور دیارلر! " اول اوتوران ماره که گولوشمان بولسالار یالنگیشاندی دویجاق ام دالدی
مونی دوس لارمینگ بیری مانگا آیتدی . "بیر گون ماشغالا اغضالارمیز بیلن (خانوادگی ) غارینداش لارمیزینگ بیرینه گورمه - گوریشه باردیق اول تازه مکه دن گلیپ دی اونگا حسن دده دیه ردیک. آرامیزدا تازه راگ آلان گلنیمیز هم باردی اول حسن داده میزدن بیر حیلی راگ یاشیناردی بیر ماحال گپ له شاسا هم حوسوردوقلاپ گپله شردی .حوشلاشیپ غاید مالی بولامیزدا همما میزحسن داده میز بیلن حوشلاشدیق یانگقی گلینه سن هم باردا حسن داده نگ بیلن حوشلاش دیدیلر اول هم غاپی دان باریپ اوتانیپ بارشینا ، حسن داده حوش اوندا دیجه گی " حوشون داده حس اوندا " دیدی !
بیر گون ام ماشین لی دوست لارمیینگ بیری بیلن اونونگ اویونه عارشی باریادیق دوستوم مبایلینی چیقاریپ اوینه جانگ اتدی :" من الآن پلانی بیلن اویه بارجاق قاپینی غئزدئر دا ناهاری آچیپ غوی " (غاپینی آچدا ناهاری غئز دئردا غوی نگ درگنه . )دیدی .
یاپ غاپی نینگ درگنه غاپ یاپینی دیان لری سیز حوکمان اشدن سنیگیز بیرینه سن نامه ایشله یان دییپ دیرلر اول هم فلکه نگ یاندا دکه م بار دیجه گی .دکه نگ یاندا فلکام بار دییپ دیر (پاخیر! )
بیر گون ام بیری کوپه نینی الینه آلیپ باریا ر مندن ."باغشلانگ یومورتدانگ شومور تدا سی ناچه !؟ "دییپ سورادی ( یومورتغانگ شماره سی ناچه؟ )
اوغلان راق دیم شهره تازه گوچوپ گلیپ دیگ داییم منی تمبر آل دییپ دکانه ایبردی. من هنیز شهری گورمه دیک اوغلان اوتانیپ – اوتننیپ زوردان خدر ینگ دکاندا باردیم گورسم بیر توپار بوش بیکار دکانینگ غاپی سینی آلیپ اوتیر لار من اونگ کی دن ام بتر اوتاندیم . اوتانیپ بارشیما خدر دایی تمبر بامی دیجه گیم تمبر دایی خدر بامی دیدیم !. غالانی نی آیدماغینگ حاجاتی یوق دا !
ینه بیرگون کوجه ده اویشوپ دوردیق بیر وانت گچیپ باریار ایزئندا بیر ناچه آدام بار . باریان یرینده بیز دن سورادیلار " آت چاپغی هاچان ؟ " اوغلانلانگ بیری" پنجشنبه " دییپ جوغاپ بردی اول ۵شنبه چندم بولیار دیجک بولوپ حولوغوپ بارشینا " پن شممه چن شممه بولیار دیدی !"
البته باشغادا کان یونه " بیر بس ده مزننه ادایین" !
